TEKS TANGGAPAN DHESKRIPTIF

Teks tanggapan dheskriptif yaiku teks sing isine nggambarake kahanane obyek kanthi cetha lan rinci. 

Tujuan paragraf ing teks tanggapan dheskriptif yaiku kanggo njlentrehake, nerangake sawenehe obyek marang sing maca saengga wong sing maca kaya-kaya melu ngrasakake, ngrungokake, ndeleng utawa ngalami tumrap apa sing wis didheskripsekake dening penulise. 

Tanggapan dheskriptif yaiku kesan tumrap apa sing wis dideleng, dirungu marang (tumrap) obyek tartamtu, lan nalika maca kaya-kaya weruh lan ngrasakake obyek sing  diwaca.

TITIKANE TEKS TANGGAPAN DHESKRIPTIF

• Nggambarake panggonan, wong, barang, kahanan nganggo pancadriya
• Tujuane supaya wong sing maca kaya-kaya melu ngrasakake utawa ndeleng dhewe marang obyek sing didheskripsekne
• Gegambarane obyek diterangake kanthi gamblang lan rinci.

STRUKTUR TEKS TANGGAPAN DHESKRIPTIF

• Idhentifikasi yaiku perangan utawa bagean sing nerangake titikan (ciri), barang, tandha lan sapanunggalane.
• Klasifikasi utawa dhefinisi yaiku perangan sing mantha-mantha manut jinis utawa klompoke.
• Dheskripsi bagean yaiku perangan sing nerangake gegambaran sing luwih rinci.

Sugeng Angudi Ngelmu!