SANDHIWARA TRADHISIONAL

Masarakat Jawa wis kondhang ing babagan seni budayane kang adiluhung, luwih-luwih kang arupa sandhiwara tradhisional. Kesenian Jawa kang sumebar ing masarakat iku maneka warna, kaya ta ludruk, kethoprak, wayang wong, lan maneka warna jinis tarian.

SANDHIWARA TRADHISIONAL

Utawa Drama Tradhisional yaiku drama kang ora migunakake naskah pementasan (improvisasi).

1. Drama Wayang, Wayang mujudake kesenian kang ngandhut petang unsur seni; basa, sastra, rupa, lan musik. Dene petang unsur seni mau yen digabung bakal dadi seni drama kang endah. Wayang ngrembaka neng ngendi-ngendi. Salah siji jinis wayang sing dadi kagunane wong Jawa, yaiku wayang kulit.
2. Drama Tutur, yaiku drama sing migunakake tutur wae sajrone pagelaran tanpa nganggo wayang utawa wayang saanane. Jaman saiki drama tutur tradhisional wis jarang banget lan bisa diarani meh punah krana kalah klawan kesenian-kesenian liyane.
3. Drama Rakyat, yaiku drama kang sumebar lan ngrembaka neng masyarakat. Pangrembakane drama rakyat iki gumantung saka kasenengane masyarakat sakupenge.

STRUKTUR TEKS SANDHIWARA TRADHISIONAL

Struktur teks sandhiwara tradhisional bisa disumurupi liwat unsur instrinsik kang ana ing naskah. Unsur mau dumadi saka:

1. Tema yaiku gagasan pokok kang dikembangake dadi crita kang digelar ing pementasan sandhiwara tradhisional. 
2. Alur yaiku tata urutan lumakune crita ing naskah utawa pagelaran sandhiwara tradhisional.
3. Setting utawa latar yaiku gegambaran swasana lumakuning crita kang ginelar. Dumadi saka gegambaraning panggonan, gegambaran waktu, lan gegambaran swasana nalika prastawa dumadi.
4. Paraga lan watak yaiku nggambarake sapa sing dadi rol utawa paraga utama, paraga panyengkuyung, sarta nggambarake kepriye watak saben paraga.
5. Piwulang utawa amanat yaiku pesan moral kang kinandhut ing crita utawa pementasan sandhiwara tradhisional 

NGGOLEKI PIWULANG

Piwulang utawa pesen moral yaiku pesen pangripta kang arep diaturake marang para maos. Ancas lan tujuwane amrih para maos nindakake apa kang dikarepake dening pangripta.

Carane nggoleki piwulang kaya mangkene.

1. Ngeling-eling  wacan nganti mangerteni temenan isine wacan
2. Nggawe dudutan saka isine wacan, apa sing dikarepake pangripta.

Sugeng angudi ngelmu!